Türkiyə və Azərbaycan arasında mövcud olan yüksək səviyyəli iqtisadi əlaqələrə Qara dəniz ətrafındakı ölkələr də qoşulmalıdır. Trend-in məlumatına görə, bu barədə Qara Dəniz İqtisadi Əməkdaşlıq Təşkilatı (QDİƏT) Parlament Məclisində Türkiyə nümayəndə heyətinin rəhbəri İsmayıl Safi qurumun Bakıda keçirilən 40-cı Baş Assambleyasının yekunlarına həsr olunmuş mətbuat konfransında bildirib.
“QDİƏT PM-in Bakıda keçirilən iclası zamanı Türkiyə və Azərbaycanın iqtisadi sahədə çalışan 300-ə yaxın nümayəndəsi görüşdü, 1000-ə yaxın müqavilələr imzalandı. Bu işbirliyinə digər QDİƏT üzvü olan ölkələr də qoşula bilər və bundan öz səmərəsini götürə bilər”, – o deyib.
Safi qeyd edib ki, QDİƏT ölkələrinin iqtisadi əlaqələrinin inkişaf etməsi bütövlükdə regionun inkişafına müsbət təsir göstərə bilər.

Trend.az