Misir Mərdanov: “Elmi dərəcələrin verilməsi proseduru sadələşdirilməlidir”

“Milli Məclisdə qəbul olunacaq “Elm siyasəti haqqında” qanun layihəsində gənclərə elmi dərəcələrin verilməsi prosedurunun sadələşdirilməsi məsələsinin öz əksini tapması çox yaxşı olardı”. APA-nın xəbərinə görə, bunu təhsil naziri Misir Mərdanov jurnalistlərə açıqlamasında deyib. Nazir bildirib ki, bu layihədə hazırda mövcud olan prosedurların yüngülləşdirilməsi lazımdır. Nazirin sözlərinə görə, əgər Milli Məclis Təhsil Nazirliyinin təkliflərini nəzərə alsa, bu yenilikləri həyata keçirmək mümkün olacaq: “Biz deyirik ki, 30 yaşa qədər elmlər doktoru yoxdur. İndi bu işin səbəbləri öyrənilməli və dəqiqləşdirilməlidir ki, bunun günahı 30 yaşına qədər olan gənclərdədir, yoxsa bu prosedurun çətinliyində. Prosedurların sadələşdirilməsi məhdudiyyətlərin yüngülləşdirilməsindən ibarət ola bilər. Hər ixtisasın özünün tələbləri olur və bu tələbləri müəyyən qədər yüngülləşdirmək olar. Bunun da nəticəsində gənc alimlərin sayı arta bilər. Ancaq bu da keyfiyyətə ziyan vurmamaq şərti ilə edilməlidir”.

Apa.az

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO