BQXK Azərbaycan həbsxanalarında vərəmə nəzarət proqramını yekunlaşdırıb

BQXK Azərbaycan həbsxanalarında vərəmə nəzarət proqramını yekunlaşdırıb BQXK-nin Bakı Ofisindən verilən məlumata görə, təhvil verməyə həsr olunmuş mərasimdə ədliyyə naziri Fikrət Məmmədov və BQXK-nın Şərqi Avropa və Orta Asiya Əməliyyatlarının rəhbəri Paskal Mej Vaqnerin iştirak edib.

BQXK Azərbaycanda vərəmə yoluxmuş məhbusların müalicəsini təmin etmək üçün 1995-ci ildən Azərbaycan Ədliyyə Nazirliyi ilə birgə əməkdaşlığa başlayıb.
BQXK-nin həyata keçirdiyi proqram nəticəsində məhbusların vərəm xəstəliyindən vəfat etməsi halları əhəmiyyətli dərəcədə azalıb və ölkənin penitensiar müəssisələri hazırda vərəmin mülicəsinə görə dünyada ən yüksək göstəricilərdən birinə malikdir.
Vərəmli Məhbuslar üçün İxtisaslaşmış Müalicə Müəssisəsinin rəhbəri Nizami Quliyev tədbirdəki çıxışında bildirib ki, 1990-cı ildə məhbuslar arasında ölümün əsas səbəbi vərəm xəstəliyi olub.

Onun sözlərinə görə, 1995-ci ildə təxminən 470 məhbus bu xəstəlikdən vəfat e dib. Bu il isə vərəmdən ölən məhkumların sayı 20 nəfərdən də az olub.
Müalicə müəssissi Azərbaycanın bütün cəzaçəkmə müəssisələrindən gələn təxminən 1000 nəfər vərəmə yoluxmuş məhbusun müalicə olunduğu müasir tibb müəssisəsidir. Müəssisədə diaqnostik laboratoriya və aptek, rentgen aparatları və kameraları və ümumi yaşayış ərazilərini maksimum səviyyədə təmiz hava ilə təchiz emək üçün quraşdırılmış mükəm məl ventilyasiya sistemi var.

“Dünyanın hər yerində həbsxanalar sıxlıqdan, zəif qidalanmadan və səhiyyə xidmətlərinin qeyri-adekvat olmasından əziyyət çəkir və bunların nəticəsində yaranmış çətin və mürəkkəb mühitdə vərəmlə mübarizə aparmaq çətinləşir. Bundan əlavə, məhbusların vəziyyəti heç də həmişə prioritet hesab olunmur,” – BQXK-nın azadlıqdan məhrum emə yerlərində səhiyyə xidmətlərinə nəzarət üzrə kordinatoru doktor Raed Aburabi tədbirdə bildirib.
Onun sözlərinə görə, Azərbaycanın təcrübəsi göstərir ki, kifayət qədər siyasi istək və iradə olduqda əhəmiyyətli iəliləyiş əldə etmək olar.
O, vərəm əleyhinə mübarizədə tam uğur qazanmaq üçün penitensiar sistemdə göstərilən səylərin ictimai səhiyyə orqanları tərəfindən aparılan müvafiq tədirərlə də müşaiyət ediləlməsinin vacibliyini vurğulayıb.

Məlumatda bildirilir ki, Bakıdakı İxtisaslaşmış Müalicə Müəssisəsində həyata keçirilən proqram çox uğurlu olduğundan, BQXK həbsxanalarınvərəm xəstəliyinin yayılması üçün münbit mühitə çevrilmiş digər ölkələrdə də həmin proqramı model kimi istifadə etməyi planlaşdırır.
15 ildən bəridir ki, BQXK Qırğızıstanda, Peruda, Filippində, Uqandada və dünyanın digər ölkələrində həbsxanalarda vərəmə qarşı mübarizə aparır. Son iki il ərzində təşkilat Ermənistanda və Gürcüstanda vərəmlə əlaqəli fəaliyyətini bu ölkələrin hakimiyyət orqanlarına təhvil verib.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO