Araz Əzimov: Azərbaycan və NATO arasında əməkdaşlıqda durğunluq yaranıb

Bunu jurnalistlərə xarici işlər nazirinin müavini Araz Əzimov deyib. “NATO-da konkret olaraq bir-iki ölkə dar siyasi, qərəzli mövqedən çıxış edərək qurumla Azərbaycan arasında imzalanmış Fərdi Əməkdaşlıq üzrə Fəaliyyət Planının (İPAP) üçüncü mərhələsinin təsdiqlənməsini gecikdirir. Bu vəziyyət isə bizim əl-qolumuzu bağlayır”, – Əzimov bildirib.

Nazir müavini qeyd edib ki, plan təsdiq edilmirsə, əməkdaşlığın davam etdirilməsi proqramdan asılı olaraq yubanır.
Onun sözlərinə görə, bu məsələ bir neçə aydır ləngiyir və Azərbaycan buna görə narahatdır.

NATO-nun Cənubi Qafqaz dövlətləri – Azərbaycan, Gürcüstan və Ermənistanla əməkdaşlığı əsasən “Sülh naminə tərəfdaşlıq”, “Fərdi tərəfdaşlıq üzrə fəaliyyət planı”, həmçinin, “Planlaşdırma prosesi və analiz” proqramları əsasında həyata keçirilir. Həmin sənədlərdə tərəfdaş ölkələrin Şimali Atlantika Alyansı ilə müdafiə, təhlükəsizlik və hərbi siyasət sahələrində islahatlara dair məsləhətlərin aparılması üzrə məqsəd və niyyətləri müəyyən olunub.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO