Təhsil Nazirliyi tərəfindən 2012-ci ildə təsis edilən Təhsil TV internet-televiziyası Azərbaycan təhsilinin panoramasını təqdim edən interaktiv bir resursa çevrilməkdədir.

Təhsil TV-nin fəaliyyətinin növbəti mərhələsində internet vasitəsilə dayanmadan yayım təmin olunacağı planlaşdırılır. Yeni mərhələdə mövcud verilişlərin keyfiyyətinin artırılması ilə yanaşı, “Böyüklər üçün məktəb”, “Ev tapşırığı”, “Dünyanı öyrənirik”, “Tənəffüs”, “Səhər zəngi” kimi yeni verilişlərin də hazırlanması nəzərdə tutulub.

Qeyd edək ki, hazırda yetişən nəslin tərbiyəsinə müsbət təsir edən müxtəlif mövzulu verilişlər yerləşdirilib. “Açıq dərs”, “Xarici dil”, “Distant təhsil”, “Peşəkar” və “Elektron təhsil” adlı verilişlər nümayiş olunur.

Həmçinin, dünya tarixi, cooğrafiyası, mədəniyyəti haqqında “Discovery” kanalının filmlərinin Azərbaycan dilində nümayişi də planlaşdırılır.