“BP-Azerbaijan” şirkəti Azərbaycanın “Şahdəniz” qaz-kondensat yatağında 3 ölçülü seysmik tədqiqat aparıb ki, yatağın işlənməsinin üçüncü fazasının mümkün reallaşdırılması barədə məlumat əldə etsin.

Trend-in məlumatına görə, bunu jurnalistlərə şirkətin ideoloji kəşfiyyat və qiymətləndirmə üzrə vitse-prezidenti Qreq Rayli deyib.

O bildirib: “Abşeron yarımadası ətrafındakı dayazsulu hissədə dənizin 15 metr dərinliyində iki ölçülü seysmik tədqiqatlar aparılarkən podratçımız “Caspian Geophysical” “Gilavar” gəmisi ilə “Şahdəniz”də də 3 ölçülü tədqiqatlar aparıb. Bu bizə yatağın gələcək işlənməsi imkanları üzrə müəyyən məlumatlar toplamağa imkan verdi. Bu məlumatların təhlili bu ilin dördüncü rübündə başlayacaq”.