Azərbaycan Prezidenti Administrasiyasının İctimai-siyasi məsələlər üzrə şöbə müdiri Əli Həsənov parlament seçkilərinin təxirə salınmasını qeyri-mümkün hesab edir. “Hakim Yeni Azərbaycan Partiyasının deputatı Aydın Həsənovun parlament seçkilərinin təxirə salınması barədə təklifini ciddi hesab etmirəm və onun təklifi ölkə parlamenti tərəfindən bəyənilməyib”, – bazar ertəsi jurnalistlərə Həsənov bildirib.

Cümə günü Milli Məclisin iclasında Yeni Azərbaycan Partiyasının deputatı ölkə parlamentinə seçkilərin Ermənistanla hərbi münaqişə və qlobal maliyyə böhranı səbəbindən təxirə salınması barədə təkliflə çıxış edib. Seçkilər 2010-cu ilə nəzərdə tutulub. “Azərbaycanda demokratiya və hakimiyyət bölgüsü mövcuddur, bütün ümumrespublika tədbirləri qrafikə əsasən keçirilməlidir”, – Həsənov bildirib.

Onun sözlərinə əsasən, Azərbaycanın seçkilərin keçirilməsi üçün kifayət qədər vəsaiti var. “Azərbaycanda parlament seçkilərinin ləğv edilməsindən söhbət belə gedə bilməz”, – Prezident Administrasiyasının şöbə müdiri qeyd edib.