Azərbaycanın Milli Məclisinin (Parlament) bugünkü iclasında “Prokurorluq haqqında” qanuna əlavə və dəyişikliklər qəbul olunub. Azərbaycan Konstitusiyasının 133-cü maddəsində qeyd olunub ki, baş prokuroru Prezident MM-in razılığı ilə vəzifəyə təyin edir və vəzifədən azad edir.

“Prokurorluq haqqında “qanunun 16-cı maddəsinin tələbinə görə, baş prokurorun səlahiyyət müddəti 5 ildir. Eyni şəxs iki dəfədən artıq təkrarən baş prokuror təyin oluna bilməz. Azərbaycanın baş prokuroru Zakir Qaralov ikinci dəfədir bu səlahiyyəti həyata keçirir və 2010-cu ilin aprelində onun bu vəzifədə fəaliyyət müddəti başa çatır.

Qanunvericilik təşəbbüsü ilə Prezident İlham Əliyevin parlamentə göndərdiyi layihədə eyni şəxsin iki dəfədən artıq baş prokuror, hərbi prokuror, Naxçıvan Muxtar Respublikasının prokuroru və hərbi prokuroru vəzifəsinə təyin olunmasına tətbiq edilən məhdudiyyətin aradan qaldırılması nəzərdə tutulub.

Trend News