Bu barədə Gənclər və İdman Nazirliyinin mətbuat xidmətindən bildiriblər. Azərbaycan Dövlət Gənc Tamaşaçılar Teatrında martın 2-də baş tutacaq tədbirin əsas məqsədi sağlamlıq imkanları məhdud olan yeniyetmə və gənclərə dövlət qayğısının artırılması, onların yaradıcılıq potensialının üzə çıxarılması və həvəsləndirilməsidir. Asudə vaxtın səmərəli və mənalı təşkil edilməsi də həyata keçirilən layihənin əsas məqsədlərindən biridir.

Tədbir zamanı sağlamlıq imkanları məhdud olan yeniyetmə və gənclərin rəsm əsərlərinin sərgisi təşkil olunacaq, musiqi və rəqs nömrələri, maraqlı səhnəciklər nümayiş etdiriləcək.