Azərbaycan Milli Elmlər Akademiyasının həqiqi və müxbir üzv yerlərinə seçkilər keçirildikdən və yeni Rəyasət Heyəti formalaşdıqdan, təsdiqləndikdən sonra bu qurumda çalışan işçilər arasında növbəti attestasiya keçirilə bilər. Trend-in məlumatına görə, bunu çərşənbə günü AMEA-nın prezidenti Mahmud Kərimov deyib. Kərimov bildirib ki, attestasiyanın keçirilməsi üçün AMEA-nın institutlarının direktorları da yenidən təsdiq edilməlidir.
Onun sözlərinə görə, AMEA-da hər 5 ildən bir elmi işçilərin attestasiyasi, bəzi vəzifələrin tutulması üçün yenidən seçkilər keçirilir.
“Şöbə müdirləri, baş elmi işçilər, aparıcı elmi işçilərin hər bir 5 ildən bir yenidən vəzifəyə seçilərək attestasiya edilirlər. Əgər AMEA-nın müxbir və həqiqi üzv yerlərinə seçkilər bu il keçirlərsə, onda biz seçkilərdən sonra yəqin ki, attestasiyanı həyata keçirə bilərik”, – Kərimov deyib.

Trend.az