Bu barədə Milli Məclisin mətbuat xidmətinin rəhbəri Akif Təvəkküloğlu məlumat verib. İclasın gündəliyinə 24 məsələ daxildir.

İclasda “Əmək pensiyaları haqqında”qanuna, Əmək Məcəlləsinə, Mülki Məcəlləyə, İnzibati Prosesual Məcəlləyə, Vergi Məcəlləsinə, “Məhkəmə və hüquq mühafizə orqanları işçilərinin dövlət müdafiəsi haqqında”, “İcra məmurları haqqında”, “Vəkillər və vəkillik fəaliyyəti haqqında”, “Ekstraditsiya haqqında”, “Məhkəmə Hüquq Şurası haqqında”, “Dövlət dili haqqında”, “Dini etiqad azadlığı haqqında” və digər qanunlarda dəyişikliklər müzakirə olunaraq səsverməyə çıxarılacaq. A. Təvəkküloğlu digər növbədənkənar iclasın tarixinin hələ müəyyənləşmədiyini bildirib.

Məlumata görə, parlamentin digər növbədənkənar iclasının iyunun 21-də keçirilməsi planlaşdırılır.