İstanbulda Türkiyə, Misir və Səudiyyə Ərəbistanı xarici işlər nazirlərinin görüşü keçirilib

Türkiyə, Misir və Səudiyyə Ərəbistanının xarici işlər nazirləri arasında Suriyadakı böhranın həlli məqsədilə üçtərəfli görüş keçirilib. APA-nın İran mətbuatına istinadən məlumatına görə, Misir prezidenti Məhəmməd Mursinin təklif etdiyi dörtərəfli format əsasında baş tutan yığıncaqda İran iştirak etməyib. Bundan əvvəl Qahirə, Nyu-York və İslamabadda keçirilən toplantılara da Səudiyyə Ərəbistanı qatılmamışdı. İstanbulda keçirilən yığıncağa İranın qatılmamasının səbəbi açıqlanmayıb. Hər üç ölkənin xarici işlər nazirləri – Əhməd Davudoğlu, Məhəmməd Kamal Əmro və Səud əl-Faysal Suriyadakı son vəziyyəti, qlobal məsələləri müzakirə edib, “Suriyanın dostları” qrupunun növbəti toplantısının Mərakeşdə keçirilməsi ilə bağlı razılığa gəliblər.

Apa.az

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO