Ümummilli lider Heydər Əliyevin 90 illik yubileyi ilə əlaqədar Gəncə şəhər prokurorluğunda tədbir keçirilib

Ümummilli lider Heydər Əliyevin 90 illik yubileyi ilə əlaqədar Gəncə şəhər prokurorluğunda tədbir keçirilib.
Baş Prokurorluğun mətbuat xidmətindən Trend-ə verilən məlumata görə, Azərbaycan xalqının ümummilli lideri Heydər Əliyevin 90 illik yubileyinin qeyd edilməsi ilə əlaqədar Azərbaycan Respublikası Prokurorluğunun Tədbirlər Planının icrasına uyğun olaraq, Baş Prokurorluq tərəfindən Gəncə şəhər prokurorluğunda bölgə prokurorluqları əməkdaşlarının iştirakı ilə seminar-məşğələ keçirilib.
Tədbir iştirakçıları əvvəlcə Gəncə şəhərinin mərkəzində ulu öndər Heydər Əliyevin heykəlini ziyarət ediblər.
Seminar-məşgələdə Baş Prokurorluğun Hüquqi təminat və informasiya idarəsinin rəisi Natiq Hüseynov müasir Azərbaycan Respublikasının xilaskarı və qurucusu, görkəmli siyasi və dövlət xadimi Heydər Əliyevin xalqımız və dövlətimiz qarşısında misilsiz fəaliyyəti, ölkəmizdə məhkəmə-hüquq islahatlarının həyata keçirilməsində əvəzolunmaz xidmətləri, onun prokurorluq orqanlarının fəaliyyətinin hüquqi əsaslarının müəyyən edilməsi, Azərbaycan Prokurorluğunun konstitusion statusuna uyğun olaraq davamlı inkişafındakı fəaliyyəti ilə bağlı geniş məruzə ilə çıxış edib.
Tədbirdə Yeni Azərbaycan Partiyası Gəncə şəhər təşkilatının sədri İsrafil İsmayılov, Gəncə şəhər prokuroru Adil Vəliyev və digər natiqlər ulu öndər Heydər Əliyevin çoxşaxəli ictimai-siyasi və dövlət müstəqilliyimizin qorunmasında həyata keçirdiyi gələcəyə hesablanmış fəaliyyəti haqqında çıxış ediblər.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected].org

1905.az STUDIO