İşgəncələrə Qarşı Azərbaycan Komitəsi 4 rayonun polis şöbəsində monitorinq keçirib

İşgəncələrə Qarşı Azərbaycan Komitəsi Azərbaycanın 4 rayonunun polis şöbəsində monitorinq keçirib. Komitə sədri Elçin Behbudov APA-ya deyib ki, təmsil etdiyi qurum Beyləqan, Biləsuvar, İmişli və Salyan rayonlarının polis şöbələrinin müvəqqəti saxlama məntəqələrində monitorinq aparıb. Hüquq müdafiəçisinin sözlərinə görə, digər 3 rayondan fərqli olaraq, Salyan rayon Polis Şöbəsində şikayətlə qarşılaşıblar. Belə ki, təcridxanada saxlanılan 8 təqsirləndiriləndən 6 nəfəri rayon polis şöbəsinin keçmiş rəis müavini Mirzağa Qafarov tərəfindən işgəncəyə məruz qaldıqlarını deyiblər. E. Behbudov bildirib ki, monitorinqin nəticələri ilə bağlı Daxili İşlər Nazirliyinə sənəd göndəriləcək.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO