Argentina Prezidenti Azərbaycana səfir təyin edib.

Trend-in Argentina Prezidenti Administrasiyasının mətbuat xidmətinə istinadən yaydığı məlumata əsasən (http://www.prensa.argentina.ar/2013/02/18/38425-designan-embajador-argentino-en-azerbaiyan.php) Prezident Kristina Fernandez de Kirçner Karlos Dante Rivanın (Carlos Dante Riva) ölkəsinin Azərbaycana fövqəladə və səlahiyyətli səfiri təyin edilməsi ilə bağlı 182/2013 saylı sərəncam imzalayıb.

Sərəncamı müvafiq qaydalara əsasən xarici işlər və etiqad naziri Hektor Timerman da imzlayıb.

Qeyd etmək lazımdır ki, Argentina Respublikası Bakıda səfirliyini 2012-ci ilin ortalarında təsis etmişdir və həmin vaxtdan diplomatik nümayəndəliyə müvəqqəti işlər vəkili rəhbərlik edirdi. Carlos Dante Riva Argentinanın Azərbaycanda iqamətgahı Bakıda yerləşən ilk səfiri olacaqdır.