Sergey Narışkin: Rusiya Azərbaycanla strateji tərəfdaşlığın genişləndirilməsi və möhkəmləndirilməsində maraqlıdır

Rusiya Azərbaycanla strateji tərəfdaşlığın genişləndirilməsi və möhkəmləndirilməsində maraqlıdır. Trend-in RİA Novosti-yə istinadən verdiyi məlumata görə, bunu RF Dövlət Dumasının sədri Sergey Narışkin Moskvada Azərbaycan Milli Məclisinin spikeri Oqtay Əsədov ilə görüşü zamanı deyib.

S.Narışkin qeyd edib: “Əminik ki, biz parlamentarilər bu işə öz töhfəmizi əlavə edə bilərik”.

Onun sözlərinə görə, parlamentlərarası qarşılıqlı fəaliyyət Rusiya ilə Azərbaycan arasında mövcud olan böyük siyasi dialoqun bir hissəsidir: “Parlamentlərarası qarşılıqlı fəaliyyət bütün sahələrdə – siyasi, ticarət-iqtisadi, humanitar sahələrdə əməkdaşlıq üçün belə rahat ab-hava yaradır”.

O.Əsədov bildirib ki, Azərbaycan Rusiya ilə ikitərəfli münasibətlərin inkişafına böyük önəm verir. “Əminəm ki, belə səfərlər, görüşlər parlamentlərarası əlaqələri inkişaf etdirməyə imkan verir”.

Onun sözlərinə görə, Azərbaycan-Rusiya münasibətləri artıq strateji tərəffdaşlıq səviyyəsinə yüksəlib.

Spiker xatırladıb ki, iyunda Rusiyanın xarici işlər naziri Sergey Lavrovun və Baş nazirin müavini Dmitri Roqozinin Azərbaycana səfərləri planlaşdırılır.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO