“Biz talantlı gənc doktorantları axtarırıq”. Trend-in məlumatına görə, bunu Azərbaycan Milli Elmlər Akademiyasının (AMEA) prezidenti Akif Əlizadə gənc doktorantların AMEA institutlarında işlə təmin olunması məsələsinə münasibət bildirərkən deyib.

A.Əlizadə bildirib: “Əgər kimin talantı varsa, gəlsin və biz də onu işlə təmin edək. Çalışsınlar ki, fəaliyyət göstərdikləri istiqamətdə püxtələşsinlər”.

AMEA rəhbəri vurğulayıb ki, gənc doktorantların işlə təmin olunması problem deyil: “Akademiya üçün talant axtarırıq. Talantlı doktorantlar institutlara, Rəyasət Heyətinə, öz elmi rəhbərinə müraciət etsinlər”.