Bu ilin sonunadək Azərbaycanın bütün ərazisində POS-terminallar quraşdırılacaq

2014-cü ilin sonunadək Azərbaycanın ən azı bütün rayon mərkəzləri və şəhərləri POS-terminallarla təmin edəcək. Trend-in məlumatına görə, bu barədə vergilər naziri Fazil Məmmədov Bakıda “Azərbaycanın vergi sistemi: reallıqlar və perspektivlər” mövzusunda keçirilən III Vergi Forumunda çıxışı zamanı deyib.

Onun sözlərinə görə, bu məsələ Azərbaycan Prezidentinin nəzarəti altındadır: “Son vaxtlar ölkədə POS-terminalların sayı kəskin artıb, bu il ərzində nazirliyin kommersiya bankları ilə birgə işi nəticəsində ölkə ərazisində, xüsusi ilə Bakıda 30 mindən artıq POS-terminal quraşdırılıb”.

F.Məmmədov qeyd edib ki, nazirlik qarşısında ölkə ərazisində, ilk növbədə Bakı, Gəncə, Sumqayıt və bütün rayon mərkəzlərində 70-90 min POS-terminalın quraşdırılması vəzifəsi dayanır: “Dövlət başçısı bu böyük layihəyə ciddi dəstək verir. Banklar hazır olduqlarını elan ediblər və artıq terminalların quraşdırılacağı obyektləri öz aralarında müəyyənləşdiriblər”.

Qeyd edək ki, 2014-cü il yanvarın 1-nə olan məlumata görə, ölkədə 33 285 POS-terminal quraşdırılıb, bunlardan 28 940-u Bakının payına düşür.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO