Bakı polisi cərimə ödəməyən piyadaları məhkəməyə verdi

Bakı şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Vaqif Əsədov bildirib ki, piyadaların yol hərəkəti qaydalarını pozmasına qarşı aparılan mübarizə tədbirləri nəticəsində yanvarın 7-dən 26-dək 174 piyada cəzalandırılıb. Onların hər biri İnzibati Xətalar Məcəlləsinin tələbinə müvafiq olaraq, 10 manat məbləğində cərimələniblər.

Vaqif Əsədov deyib ki, cəriməni ödəmədiyi üçün 9 piyada barəsində qanunun tələbinə müvafiq olaraq, məhkəməyə müraciət olunub. Məhkəmədən cərimənin ödənilməsi barədə qərar çıxarılması tələb olunur.

Qeyd edək ki, ötən il Bakıda piyadaların vurulması ilə bağlı 519 yol qəzası qeydə alınıb. Nəticədə 140 nəfər ölüb, 437 nəfər yaralanıb. 9959 piyada isə yol hərəkəti qaydalarını pozduğu üçün qanunun tələblərinə müvafiq cəzalandırılıb.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO