Azərbaycan BMT-yə qətnamə layihəsi təqdim edib

Vaşinqton bürosunun məlumatına görə, sənəd dünən BMT Baş Assambleyasının 66-cı sessiyasının Üçüncü Komitəsinin iclasında açıqlanıb.

Sənədi təqdim edərkən Azərbaycanın nümayəndəsi bildirib ki, ruandalı həmkarı ilə birlikdə Komitənin üzvlərinin sayının 85-dən 87-ə qaldırılmasını təklif edir.

İqtisadi və Sosial Şura bu barədə 2011-ci il iyulun 28-də qərar qəbul edib. Buna görə də Bakı mətn layihəsinin təsdiqlənməsini xahiş edib.

BMT Baş Katibinə göndərdiyi məktubda, Azərbaycanın BMT-də daimi nümayəndəliyinin rəhbəri, səfir Aqşin Mehdiyev bildirib ki, Azərbaycan da BMT-nin Qaçqınlar üzrə Ali Komissarlığının İcraiyyə Komitəsinə üzv olmaq istəyir.

“Azərbaycan BMT-nin Qaçqınlar üzrə Ali Komissarlığının proqramına tamamilə sadiqdir. Azərbaycan Qaçqınların Statusuna dair 1951-ci ildə qəbul edilmiş Konvensiyaya və 1967-ci ildə qəbul edilmiş Protokola qoşulub. 1999-cu ildən 2007-ci ilədək Azərbaycan Daimi Komitədə müşahidəçi qismində iştirak edib”.

Nümayəndə onu da qeyd edib ki, Azərbaycan qaçqınların vəziyyətinin həm beynəlxalq və regional əməkdaşlıq yolu ilə, həm də milli səviyyədə yaxşılaşdırılmasına çalışır: “Azərbaycan qaçqınların və məcburi köçkünlərin problemlərinin həlli üçün həm beynəlxalq, həm də dövlət səviyyəsində fəaliyyət göstərir”.

Ünvan: M.Mirqasımov 4/41 Bakı AZ 1007, Azərbaycan

Tel/Fax : (+994 12) 441 09 24

Qaynar xətt”-lər: 408-30-17/27

Pulsuz: (088) 408-30-17/27

E-mail: [email protected]

1905.az STUDIO